The concept of Change and our MotherFuckers!!

In the same month that Americans have come together to bring change to their world by electing the first black president

Barak Hussien Obama,

Some Algerians (mother fuckers) are voting to destroy their constitution by changing the terms that limit 2 presidential terms to their Dictator (Botafleeka)!.
Seems like the only change we will ever witness in our countries is constituting dictatorship!.
Thanks mother fuckers...1 million Algerians have sacrificed their lives to liberate their country from France to establish a FREE country...A FREE country that deserves dying for..not a shit hole with an ass hole in charge for unlimited terms!.
Its a very sad day for all Algerian people and for all Arabs....
I have no idea HOW this mother fucker who is raising his both hands voting -HOW he SLEEPS at night!!

Videos from Egypt!!!

طابور العيش


تقليد عمرو خالد

So What if Obama was a Muslim

To hurt Obama: Israeli Group sent free Anti-Islam DVD to 28 million American home : WHO PAID FOR THAT?

Saudi Holly War Against A 72 year old Blogger!!!

Faking democracy..When Dictators protect other Dictators asses!

أمرت السلطات السعودية الكاتب والمعارض المصري المقيم بالسعودية عبد الله الخياط بمغادرة المملكة خلال أسبوع بسبب كتابته مقالات سياسية تنتقد الحكومة المصرية في مواقع الإنترنت، منها موقع جريدة الشعب المحظورة وصحيفة السفير اللبنانية

ونقلت صحيفة البديل عن الخياط البالغ من العمر 72 عاما والمقيم في المدينة المنورة مع أسرته منذ 44 عاما قوله إنه لم يرتكب أي مخالفة قانونية خلال إقامته الطويلة في السعودية، مضيفا أنه أرسل رسالة لعاهل السعودية، الملك عبد الله بن عبد العزيز يستعطفه فيها ويناشده الغاء قرار ترحيله الذي يعتبره بمثابة قرار إعدام له ولأبنائه وأحفاده المقيمين في المملكة.

وقال في تصريح لجريدة "القدس العربي"إنه طلب من السلطات السعودية التحقيق معه إلا أن طلبه قوبل بالرفض القاطع .

ودعا مجدي حسين الأمين العام لحزب العمل (المجمد) كل المصريين والعرب الحريصين علي حقوق الإنسان وحرية التعبير للتضامن مع الخياط قائلا في تصريحات للصحيفة بدأنا في عمل حملة للتضامن مع الخياط علي موقع حزب العمل علي الإنترنت، ونشرنا رسالة الخياط التي وجهها إلي الملك عبد الله بن عبد العزيز.

وتوقع حسين أن تكون السلطات الامنية المصرية هي التي أوعزت لمثيلتها السعودية بإصدار قرار إبعاد الخياط ، مضيفا أن القرار جزء من حملة تعقب كل المعارضين والكتاب العرب في البلاد العربية في إطار التضييق علي الحريات خاصة حرية التعبير .

ورأي مراقبون أن القرار السعودي يعكس توجها حكوميا للضغط علي المصريين في الخارج لعدم توجيه انتقادات لحكومتهم عبر وسائل الإعل

بلال فضل..من إيميل يدور فى سماء الأنترنت

.كتاب جديد للكاتب الساخر المصري العظيم بلال فضل بعنوان «قلمين»، دار ميريت، 229 صفحة من القطع الكبير، 2007. والكتاب عبارة عن فقرات مقتبسة من الصفحة التي كان يكتبها بلال فضل أسبوعياً في جريدة الدستور بعنوان «قلمين» من 2005 إلى 2006. شعار الكتاب هو: «كتاب إن لم تضحك عليه، فلن يضحك عليك»!

بلال فضل – لمن لا يعلم – صحفي معروف في منتصف الثلاثينات ومؤلف وسينارست .

انتقيت لكم 35 فقرة فقط،(1)

أتعجب كثيرا من الكتاب العرب الذين يسخرون من كون السفاح شارون يعيش بخصية واحدة بعد أن فقد الأخرى في إحدى حروب العرب مع إسرائيل. الأولى أن يشعر هؤلاء بالخجل لأن شارون يفعل كل هذا بنا.. بخصية واحدة!

(2)

دراسة مستقبلية إسرائيلية كشفت أن إسرائيل ستنهار من الداخل خلال 20 عاما. حلو قوي.. هنكون بقى لنا عشر سنين قد انهرنا.

(3)

مات جمال عبد الناصر وهو يدعو شعب مصر لأن يلبس مما يصنع، ويعيش حفيده جمال أشرف مروان من خير قناة ميلودي التي تدعو شعب مصر لأن يقلع ما يلبس! (ملاحظة: جمال أشرف مروان هو ابن الدكتورة منى جمال عبد الناصر، وصاحب قنوات ميلودي).

(4)

حتى منتصف الثمانينات كان المثقف المصري يحلم بتغيير العالم.. الآن يحلم المثقف المصري بتغيير عربيته!

(5)

رئيس تحرير صحيفة قومية كتب أن الرئيس بوش الأب بعد أن ترك الرئاسة قال إن صداقته بالرئيس مبارك هي الشيء الوحيد الذي سيأخذه معه إلى القبر. أنا شخصيا أصدق ما كتبه الكاتب إياه، وسر تصديقي يرجع إلى يقيني بأنه حتى في أمريكا هناك من يؤمن بعذاب القبر!

(6)

س: يحرص أي وزير داخلية عربي على شرب الشاي بعد كل وجبة.. ليه؟

ج: عشان.. بيحب «يحبس»!

(7)

في عهد شيخ الأزهر الدكتور العلامة محمد سيد طنطاوي أصبح «نفق» الأزهر أهم من الأزهر نفسه! (نفق الأزهر: معبر سيارات شهير تحت الأرض لتلافي الزحمة المرورية قرب الأزهر).

(8)

يحسب للرئيس مبارك أنه حكم مصر وهي تتحدث عن نفسها.. وبعد ربع قرن من الحكم جعلها تتحدث مع نفسها!

(9)

يقال أن جرادة شوهدت تضرب زميلتها بالشبشب، وعندما تدخل ولاد الجراد لفض الخناقة قالت لهم الجرادة الضاربة: «تصوروا الحشرة دي ما حرمتش، عايزانا نرجع مصر تاني»!

(10)

أصبح سيل الفتاوي الذي ينهال على برامج الفضائيات أمراً يدعو للسخرية المريرة. لا أستبعد أن نسمع قريبا أحداً يسأل: ما حكم الانفراد بحارس المرمى؟ وهل يعتبر خلوة شرعية؟ وما هو حكم حمل حامل الراية؟

(11)

كدت أنفجر من الضحك عندما قرأت أن محادثات الرئيس مبارك مع الرئيس الروسي بوتين شملت التعاون في مجال الفضاء. فكل علاقتنا بالفضاء إننا بلد دماغها فاضية!

(12)

سألني: إنت ليه مش فارق معاك تعيين نايب للريس؟ قلت له: عشان كفاية النايبة اللي إحنا فيها!

(13)

ليست المشكلة أبداً أن نطالب بالإفراج عن المعتقلين داخل السجون، المشكلة الحقيقية أننا لا نطالب بالإفراج عن المعتقلين خارج السجون!

(14)

أتعجب من بعض أصدقائي الذين يكتبون مطالبين بعض المسئولين بتقديم إقرارات ذمة مالية. واحد ما عندوش ذمة يقدم لها إقرار إزاي؟

(15)

في مصر جميع الحقوق محفوظة.. في ثلاجة القيادة السياسية!

(16)

س: لماذا قامت الحكومة بإزالة اللافتة التي كتب عليها: «حتى الجنين في بطن أمه يقول نعم لمبارك؟»

ج: عشان الجنين طلع طفل خطيئة!

(17)

بعد أن صرح الرئيس مبارك لأكثر من مرة أن محدودي الدخل في عقله وقلبه، لا أدري لماذا يريد محدودو الدخل أن يأكلوا؟ عايزين ينهبوا؟! أنا عن نفسي لو بقيت في عقل وقلب مبارك استحالة أفكر في الأكل!

(18)

قال لي قارئ بحرارة: بجد نفسي أقابل الرئيس مبارك. قلت له: أكيد نفسك تبايعه؟ قال لي: الحقيقة نفسي أديله الـ 500 جنية اللي باقبضهم وأقول له: سعادتك وريني إزاي حتكمل بيهم لحد آخر الشهر؟

(19)

كلما لمست حرص الرئيس مبارك على البقاء في الحكم أفهم لماذا يحرموننا هذه الأيام من الاستماع إلى عبد الحليم حافظ وهو يغني: «إن كنت حبيبي ساعدني كي أرحل عنك.. إن كنت طبيبي ساعدني كي أشفى منك.. إني أغرق أغرق أغرق»!

(20)

بدأ مشروع التنوير في مصر بدعوة قاسم أمين لتحرير المرأة، وانتهى بربط الزبالة بفاتورة الكهرباء.

(21)

قال لي صديقي: أكيد الحكام العرب قلقانين قوي بعد الانقلاب اللي حصل في موريتانيا، تفتكر لو حد فيهم جاله واجب عزاء هيعمل إيه؟ قلت له: بسيطة، هياخد الجيش معاه.

(22)

الأمريكان قالبين دماغنا لأن لديهم سيدة ميتة دماغياً قامت بإنجاب طفلة. مثل هذا الحدث العلمي لا يأكل معنا ببصلة، ففي مصر يمكن أن تكون ميت دماغيا وتفعل أشياء كثيرة من بينها أن تحكم شعبا!

(23)

قال لي صديقي: هل يمكن أن نعتبر أن حضور القذافي مراسم اليمين القانونية هو إرهاصة إلى أن الرئيس مبارك سيمكث في الحكم 35 سنة كما فعل القذافي؟ قلت له: اعتبر ده وعد. قال لي: لكن القذافي من أجل أن يفعل ذلك كتب «الكتاب الأخضر»، والرئيس مبارك لم يكتب كتابا مماثلا؟ قلت له: لأن اللي اتعمل فينا ما يتكتبش!

(24)

أقوى فضيحة للنظام الحاكم جاءت على يد الأزهر الذي أعلن تخفيض زكاة الفطر من خمسة جنيهات إلى ثلاثة جنيهات في اعتراف صريح أن الخمسة جنيهات أصبحت فوق قدرة المواطن المصري العادي. كل سنة وأنت مبارك يا شعبي!

(25)

لا أدري لماذا يتحامل العديد من الكتاب والصحفيين قلالات الذوق على سيادة الرئيس فيسألون هل سيقدر على تنفيذ وعوده في عام 2006. ألا يكفي أن سيادته وعد؟! كمان عايزينه ينفذ؟! لا ده كتير، كان يمكن أن لا يعد أصلا، يا ريت لكي نطاع نأمر بما يستطاع!

(26)

صحيفة الأخبار بشرت المصريين على صدر صفحتها الأولى بأن عشرين بريطانيا فضلوا العلاج في المستشفيات المصرية على مستشفيات بلادهم. هل قرأ أحدكم شيئاً عن هروب جماعي من مستشفى الأمراض العقلية في برمنجهام؟!

(27)

أعلنت أجهزة الدولة عن تسليم وثائق انتخابات الرئاسة إلى دار الكتب. كان الأولى تسليمها إلى المركز القومي للمسرح!

(28)

من مساخر مصر أن عدد الذين صوتوا للمتسابق المصري في برنامج ستار أكاديمي أكثر من الذين صوتوا لرئيس الجمهورية!

(29)

بعد الحكم على بأحقية البهائيين في إثبات ديانتهم في خانة الدين في البطاقة الشخصية، تخشى الحكومة أن يطالب الذين كفرتهم سياستها بإثبات حالتهم في البطاقة!

(30)

قرأت حوارا متميزا في جريدة الوفد مع الكاتب العربي الكبير أدونيس قال فيه: «إذا رأيت عالماً يلوذ بباب سلطان فاعلم أنه لص». أخالف أدونيس في صلاحية هذه العبارة للحكم على علماء السلطان في زماننا وبلادنا فهم لا يلوذون بباب السلطان بل يقعدون على حجره!

(31)

عمنا أحمد فؤاد نجم قال في حواره مع الدستور إنه شاف ناس تحب عبد الناصر والسادات، لكن عمره ما شاف حد بيحب مبارك. رؤساء تحرير الصحف القومية أرسلوا برقيات إلى رئاسة الجمهورية يحلفون فيها إن عمرهم ما شافوا عم أحمد في حياتهم!

(32)

قبل أسبوعين طرحت الدستور سؤالا سياسيا بالبنط العريض: «متى يقول الرئيس مبارك للشعب المصري أنا آسف؟». بعد تفكير دام أسبوعين في الإجابة، أعتقد أن الرئيس مبارك سيقول للشعب «أنا آسف» عندما يقول له الشعب: «ممكن تسيب الحكم يا ريس؟».

(33)

عندما قرأت خبراً عن دراسة طبية تكشف أن الجمبري والإستاكوزا يسببان العقم فهمت لماذا ينجب ملايين المصريين كثيراً!

(34)

هيفاء وهبي أحيت حفلا خيريا في القاهرة مخصصا لمرضى الصدر. اختيار موفق!

(35)

نشرت الصحف حادثة مفزعة عن قيام سيدتين في الفيوم ببيع طفل رضيع بخمسة وثلاثين جنيها فقط لا غير، وأخذت تتعجب كيف ينخفض سعر الإنسان في مصر إلى هذه الحد! في اعتقادي أن سر انخفاض مثل هذا الرضيع هو أنه وهو في بطن أمه لم يقل نعم لمبارك، وإلا كان ده فرق في سعره كتير

من إيميل يدور فى سماء الأنترنت

Another reason to hate ourselves!!!

Need another reason to better understand
WHY WE ARE THE WAY WE ARE?!!
watch this!

شعب بضين بعيد عنك

شعب بضين بعيد عنك

الشعوب العربية شعوب بضينة
مع كرهى وإحتقارى لهذا المصطلح
إلا أنه أنسب مصطلح يصف الحالة اللى وصلت لها شعوب العالم العربي
وخصوصاً الشعب المصرى
إحنا بجد شعب بضين
ومهما مبارك وعصابته يعملوا فى الشعب
فالشعب بضين لزج
مش هيتحرك
حتى الناس اللى راهنوا على إنه كله إلا لقمة العيش
برضه خسروا الرهان
الشعب مبضين وقاعد حتى لو مش لاقى ياكل عيش
حتى لو كل ممتلكات الشعب اتباعت بملاليم لكلاب الحزب الوطنى
حتى لو بتروله وثروته المعدنية إتصدرت مدعومة لإسرائيل
وهو مش لا قى أنبوبة بوتاجاز
حتى لو ضربوه على قفاه وطبخوا القوانين على مقاس الحرامية
حتى لو بقا رؤساء لجان مجلس الشعب هم نفسهم رجال الأعمال
يعنى القاضى والجلاد واحد
والمال السايب يعلم السرقة
فما بالك بمال مش سايب
لأ مال بيحرسه ويقننه أصلا الحرامى
بزمتك مش إحنا شعب بضين
طب من كام سنة لما أتنبح صوتنا وكنا بنصرخ للناس اتحركوا
كان الرد البضين : خلينا ناكل عيش يا باشمهندس
ورغم إنى مش باشمهندس
ورغم إن مفيش حتى عيش خلاص
إلا إن الشعب البضين
يعيش بضين ويموت بضين
ملعون أبو أى شعب يزنى به فى اليوم مليون مرة وما يتحركش
ملعون أبو اللى يطاطى ويسلم مؤخرته لمبارك وعصابته
ملعون أبو المنافق
الخايف
والمرعوب
وأهم حاجة
ملعون أبو البضيييييين

What happend on May4th?

Happy Birthday, Mubarak

تهمة دس الدسائس وتعكير المزاج العالى

هرتلات آخر اليوم:

تهمة دس الدسائس وتعكير المزاج العالى

لما الدنيا يتقفل فى وشى وأحس إنى زهقان ومحتاج أفرفش

ما بلاقيش غير حاجتين

هما اللى بيخلونى أموت على نفسى من الضحك

سلسلة أفلام اللمبى

وأخبار سورية

سوريا أحيانا مسخرة ألعن من اللمبى

آخر أخبار دولة الصمود والتحدى

دولة أمة واحدة ذات رسالة شاردة

الجكم على معارض سورى بالسجن 3 سنوات

والمسجون أصلاً فى السجن

والتهمة:

نشر معلومات مضللة الغرض منها تقويض المعنويات العامة

أنا فى عرض المجمع اللغوى

عاوز أعرف إيه هيه "المعنويات العامة"

زى المراحيض العامة مثلاً

ولا بيوزعوها ببطاقة تموين

ولا إيه الموضوع

وعلى رأى اللمبى

محدش فاهم حاجة

والمسجون أصلاً فى السجن

السجن اللى لا فيه لا راديو ولا تليفزيون

ولا إنترنت ولا بلوجر ولا نيلة

الراجل معزول عن العالم

فى سجن سورى متخلف

إمال نشر المعلومات دى إزاى

على حبل الغسيل فى السجن مثلاً

بيقولك نشرها بين المساجين

ووطنى حبيبى الوطن الأكبر

واللى يحبنا ما يضربش نار

واللى حامل فى توأم بتبقا بطنها كبيرة

واللى عامل عملية تبقا ريحته بنج

وسلم لى على دولة الصمود والتحدى

التهمة اللى الراجل ده اتسجن بيها 12 سنة

أى والله 12 سنة سجن

هى تهمة:

دس الدسائس

يا صلاة النبى أحسن

ودس يدس فهو داسس

داسس بدوخة ونفسى هفانى على البطيخ

الله يخرب بيوتكم

وبيت اللى راشى الحى وخد ترخيص عشان يبنى جنب بيتكم

بدون تعليق..فيلم أمريكى يبين الدور الحقيقى لأجهزة الأمن العربية

من غير ما اتكلم كتير
نفسى تتفرجوا على الفيلم ده
وتعرفوا إيه الدور الحقيقى للعصابات اللى حاكمة دولنا العربية
يعنى التسليم Rendition الفيلم إسمة
وهو مستوحى من قصة حقيقية حدثت لمهندس سورى
والفيلم يحكى حكاية مهندس مصرى الجنسية
يعيش فى أمريكا ومتزوج من أمريكية
ويوقعه قدره مع المخابرات الأمريكية التى تشتبه فى كونه على صلة بالإرهابيين
والتى تعطى المهمة القذرة (التعذيب) لأجهزة الأمن العربية الهمامة
مش هحرق الفيلم بس ياريت اللى يقدر يشوفه يشوفه
لإنه بيدى صورة أكبر لأهمية الأنظمة الحالية للإدارة الأمريكية
ويفهمك ليه أمريكا حلقت لأيمن نور بعد ما خرم ودانه
عشان نعرف إن احنا لازم نتحرك لقضية أكبر من مجرد أزمة أسعار
الناس دى حولت بلادنا لسجن كبير
يقدم خدماته الأمنيه لجميع بلاد العالم
وعلى فكرة حركة كفاية متصورة فى الموضوع وفيه مشهد متمثل لمظاهرة من كفاية
والأمن بيطحنهم
فيلم عميق..لازم نفكر فيه ونفهم
إن الموضوع أكبر من طابور عيش
اللى مابيفهمش أنجليزى كويس هيفهم أحداث الفيلم لإن نص كلامه بالعربى لإن أحداثه بتحصل فى المغرب
تفرج على إعلانه






وده لينك لموقع بيبث الفيلم كاملاً مجانا
http://www.watch-movies.net/movies/rendition/

الفضيحة...الفضيحة....الفضيحة...الفضيحة...الفضيحة...الفضيحة

الفضيحة......على سيناريو حريق القاهرة
قوات أمن مبارك تشعل النيران وتخرب المحلة لتوريط المعارضة

صورت عدسات النشطاء فى المحلة الكبرى لقطات نادرة لعناصر من جهاز أمن مبارك يقومون بالتخريب لتوريط المعارضة ولتكون ذريعة لشن حملة إعتقالات وإستخدام مفرط للقوة الغير مبررة
وكانت البرامج الحوارية التليفزيونية المروجة لسياسات الحزب الوطنى دأبت على نفى الشائعات التى تتدوالها المدونات عن دور مؤكد تلعبه قوات الأمن بالتعاون مع جيش من البلطجية وأرباب السوابق الذين يعملون لحساب الحكومة فى التصدى للمظاهرات والإنتخابات
وقد تمكن المدون محمود منير من تصوير ضباط أمن مركزى يقومون بتكسير زجاج سيارتهم المدرعة وفيها يقوم المجندون بضرب الزجاج بمؤخرة البندقية كما بقوم أحد الضباط بضرب الزجاج بالبيادة ..وكل ذلك على مرأى من بعض المواطنين الذين تجمعوا يراقبون فى ذهول قوات الأمن وهم يكسرون سيارتهم

من ناحية أخرى أكد الكثيرون من شهود العيان أن النية كانت مبيته من رجال الأمن لإصتناع مصادمات يشعلها بلطجية الحكومة لتوريط العمال المتظاهرين ولتحويل المظاهرة السلمية إلى معارك شوارع
وقد أكد أحد أصحاب أكبر سلسلة مطاعم فى المدينة والتى تعرضت للتخريب أنه شاهد رجال غرباء ليسوا من المحلة يوجهون مجموعات البلطجية
وسيناريو البلطجية هو سيناريو يستخدمه أمن الدولة فى كل انتخابات أو مظاهرات منذ فترة طويلة كما يستخدم الأمن الساقطات واللآتى لديهن ملفات فى بوليس الآداب لإرهاب السيدات فى لجان الإنتخاب النسائية

A New Era in Egypt: LIVE FREE OR DIE TRYING

Its A new Era in Egypt: Started April 6th 08

A New Era in Egypt: LIVE FREE OR DIE TRYING

We are NOT afraid anymore

If you put one of us in Jail

1000 of US will replace him in the streets

Its our country

and WE are taking it back

Because WE know that
The patriot's blood is the seed of Freedom's tree

So, dectator, look over you shoulder

Because April 6th 08 was only the start
and it WILL NOT be the end
All these pics was taken from the streets of Egypt on April 6th 08
The first Egyptian National general Strike

عجبت لمن لا يجد قوت يومه لما لايخرج على الناس شاهرا سيفه ابو زر الغفارى

اغضب فإن الله لم يخلق شعوباً تستكين

اغضب فإن الأرض تـُحنى رأسها للغاضبين

اغضب ستلقىَ الأرض بركاناً

ويغدو صوتك الدامي نشيد المُتعبين

إضراب 6 إبريل - أمل مصر فى وجود أمل

ما هى المشرحة ناقصة جثث

صباح الهبل والفشل!

كنت عاوز أركز فى اليومين دول على موضوع الإضراب فى مصر بس للأسف سفاهة بعض الفلسطينيين مخلتنيش أقدر أسكت
لقيت واحد أمريكي يمينى (صديقي اللدود) باعت لى حتة فيديو من تليفزيون الأقصى بتاع حماس
الكليب فاشل عن عرض للعرائس فيه طفل يتسلل للبيت الابيض ويقتل الرئيس بوش

والمصيبة إن الكليب موجه للأطفال
والمصيبة الأكبر إن الطفل حول البيت الأبيض لمسجد..إى والله...مسجد للمسلمين
وأنا مش عارف ليه الفلسطينين مصرين إنهم يفقدوا تعاطف الناس معاهم
مش كده وبس...دول بيخلوا الناس تكره الإسلام أكثر وأكثر
هو مين اللى قال إن المسلمين عاوزين (يفتحوا) أمريكا ويحولوا البيت الأبيض لمسجد
واللى حمار ومبيفهمش فى السياسة ولا الإعلام يفهم إن البيت الأبيض ده رمز وطنى محترم للشعب الأمريكى بكل طوائفه
ودى إهانة عظيمة ليهم إنك تقول إن احنا هنحول رمزكم الوطنى لمكان عبادة لينا
دى بالظبط كأن برنامج أطفال أمريكى ييجى يقول والله إحنا هنحول قصر عابدين لكنيسة وهنحول مجلس الشعب لمعبد يهودى
شوف هتضايق قد أيه
وأنا والله مقدر البهدلة اللى الفلسطينين فيها
بس لازم نعرف إن التليفزيون ده جهاز إعلامى
مهمته التعريف بالقضية ومحاولة حشد الدعم عن طريق الحقائق والعواطف
بالضبط زى اليهود ما بيعملوا..بهدوء وعقلانية
لإن التليفزيون حاجه والمقاومة المسلحة حاجة
ولكل مقام مقال
ثانياً: ليه نشوه نفسية الأطفال ببرامج رعب مش ترفيه
يعنى الواد الصغير عاوز يشوف فيلم كارتون ولا حاجه تنمى خياله
يشوف قتل وإحتلال
هى ناقصه كلاكيع
هتقولى بيربوهم على القضية
ماشى يا عم
أنا معاك
ربيهم على القضية بس مش بالشكل المشوه ده.
لما انت بتربيه على نبذ الإحتلال..ليه بتعلمه إن احتلال المسلمين لامريكا حاجة ميه ميه.
ثانيا فيه مليون طريقة لتربية الأولاد على القضية غير الهبل اللى غير مدروس ده
وأرجع أقول تانى
التليفزيون أداة إعلامية مش خطابات سياسية
ولكل مقام مقال يا بشر
لكن ليه..ما توروا الناس إن احنا أمة همج وعاوزين نحتل العالم
وبدل ما نشرح للناس قضية فلسطين ..نضيع وقتنا عشان نثبت إن احنا مش عاوزيين نحتل أمريكا!
ياعنى الفلسطينين بشوفهم هنا ما شاء الله فى أمريكا مبرطعين وأغنى ناس وأصحاب بيزنس ومحتكرين تجارة الخمور والسجاير ومزارع الخنازير فى ولايات كثيرة

ويملكوا نص بنزينات أمريكا
وعندهم عشرات المليونيرات فى شيكاغو
وعندهم أسرة عندها أكبر مزارع خنازير فى كل أمريكا
الفلسطينين من أغنى الجنسيات المهاجرة فى أمريكا وعايشين فى قصور وربنا يزيدهم يا سيدى..أهو كله من أجل (القضية)..القضية
ودى مش أسرار
واللى له قريب فى أمريكا يسأله
وكل جمعة عشروميت منظمة بتلم ملايين من مسلمى أمريكا عشان فلسطين.
يعنى الفلسطينين والحمد لله عايشين فى أمريكا أحسن من الأمريكان والحالة ميه ميه معاهم...ما ينفعش يعنى كانوا جابوا فريق عمل القناة العجيبة دى..وصرفوا عليهم شوية..ودخلوهم جامعة ولا حاجة تعلمهم اللى ينفع يتقال على العلن واللى لا يجب ذكرة
ليه المليونيرات الفلسطينين فى أمريكا واللى ممكن ينفقوا على بلد كاملة ما يصرفوش على ناس تتعلم الإعلام بجد

ومش مهم من فتح ولا من حماس...المهم ناس تتعلم صح وما تقدمش برامج سمك لبن تمر هندى
بدل ما كل واحد عبيط يقول كلام يضر صورة المسلمين فى العالم كله..مش الفلسطينيين بس
أرحمونا بقا..هيه ناقصة بيضان

أتفرج يا عم على الفيديو العجيب

______________________________________________________

Oh, what do you call it again: a movie! شخة خنزير هولندى

أولاً ده مش فيلم...دا شوية قص ولزق ممكن يعملهم أى عيل مالوش أصلاً أى علاقة بالسينما...ده كائن شاذ لا هو فيلم تسجيلى ولا روائى ولا فيلم أصلاً...
مش عارف ليه إحنا ليه لسه بنعمل للخنزير الهولندى قيمة وشيخ الأزهر اللى بيعتبر رمز إسلامي يتكلم عنه...ده شوية هرتله وصور متجمعة لا فيها فكر ولا رؤية وأحسن حاجه نعملها هو تجاهل الكلب اللى بيعوى ونقول لكل الخنازير : قل موتوا بغيظكم
14 دقيقة واحد حب فيهم يشتم الإسلام...طاب ما تسيبوه يشتم...وسيبوه خالص براحته..لإن النار لو مالقتش حاجة تكلها بتاكل نفسها
هنتظاهر ونجعر..هيقولوا عليه شهيد الحرية..وهنعمل دعاية لشخته ونسميها فيلم..ياجماعة خلينا أكبر من البقر الهولندى
إحنا حضارة 1400 سنة هيضرنا إيه لما خنزير هولندى يقول علينا متخلفين
كبر دماغك..وصدقنى كل اللى شافوا حتة البور بوينت دى اللى بيقولو عليها فيلم قالوا الموضع ما يستاهلش أساساً ان احنا نتكلم فيه
إتفرج وقولى إيه رأيك

أحنا اللى بنسب الرسول

أحنا اللى بنسب الرسول!
أيوه إحنا اللى بنسب الرسول مش الدنمارك ولا النرويج ولا حتى إسرائيل...إحنا اللى بتخلفنا ونظرتنا المحدودة للأشياء اللى بنسب الرسول وبنشهر بأشرف الخلق فى كل مكان...وقبل ما تقول إنى بحشش-وأنا حشاش ولا أنكر- لكن خليك معاي دقيقتين...إدينى مخك وسيبك من الحناجر اللى عمله تولول أربعة وعشرين ساعة على الرسول وهم اللى وكسونا ودنسوا إسم أشرف الخلق:
هديلك سيناريو: واحد رسام مغمور مالوش أى لازمة فى الحياة..عايش فى بلد مالهاش لازمة فى الحياة غير إنهم شوية جهلة بيحلبوا بقر وبيبيعوا جبنة!...المهم الرسام الغير مهم ده اتحذق وجاله إسهال من كتر الجبنة البيضة وشخ على ورقة رسمة مسيئة على النبى الكريم...والجريدة دى على أقصى حد بيقرأها عشر تلاف واحد...والصفحة اللى فيها الرسمة دى بيقراها قيمة ثلاثة آلاف من العشرة دول...والكاريكاتير ده..بيقراه حوالى ألف من التلاتة من العشرة...يعنى ألف واحد هيشوفوا رسمة مسيئة للنبى...أوكى..والموضوع خلص ونام ومات...ولا من شاف ولا من درى..
السيناريو التانى: نفس السيناريو بس زود عليه...شيخ فى مسجد فى الدنمارك ...كل شغلته فى الحياة إنه يصلى بالناس الجمعة وبقية الأسبوع فاضى ماورهوش شغلة عشان المسلمين فى الغرب شغالين ليل نهار ويدوب بيصلوا الجمعة بالعافية..الشيخ ده شاف الرسمة ولا حد قاله عليها لأن معظم شيوخنا أصلا لا يقرأون (الجرايد الكافرة) ومعظم شيوخ الغرب لا يفهمون ثقافة المجتمع اللى هما عايشين فيه وطول النهار بيتفرجوا على الجزيرة والعربية وقناة النيل للدرامل عشان يشوفوا تطورات مرض ماما نونة..
المهم الشيخ ده أعلنها نار وسنار وطلع يجرى يلف الدول العربية وكأنه بيجاهد فى سبيل الله ولا يحلوا الجهاد إلا فى الغرب اللى بيدفع بالدولار والدول العربية اللى بتدفع بالريال..إلا ما شفنا الشيخ ده رايح يعلم المسلمين فى كينيا ولا ساحل العاج ...المهم...الدنيا أتقلبت والمظاهرات قامت وهاتك يا مقاطعة وهاتك ياتكسير وحتى الحكومات ماشاء الله نزل عليها الإيمان فى يوم وليلة وسمحت للمظاهرات إنها تطلع وتكسر السفارات..وأهو الكل يسترزق..من أول الشيخ اللى بقاله قضية عالمية...لغاية الحكومات اللى عاوزة تصرف نظر الشعوب عن المصايب والإحتلال و التبعية والعمالة والتخلف..وكمان المغنين يعبوا شرايط وكلبات...وحتى الناس تطلع الكبت اللى هيا فيه وتنزل تصرخ فى الشوارع..يعنى الكل مستفيد..والكل هينام وضميره مرتاح لإنه عمل اللى عليه ووطلع (ميتينه) فى الجهاد...
إحنا اللى سبينا الرسول لما شهرنا صحيفة دنماركية حقيرة بغبائنا ومشاعرنا اللى مش فى محلها...إحنا اللى عملنا أحسن دعاية لرسام شخة درجة تالته وعملناه شهيد الحرية...إحنا اللى خلينا مهزئة النبى الكريم على كل محرك بحث عشان إحنا عالم نيجى فى الهايفة ونتصدر...
تمام بالظبط زى سلمان رشدى...كاتب تافه ومحدش كان يسمع عنه إلا لما إيران أهدرت دمه...وهاتك يا طباعة وهاتك يا تغطية إعلامية...والكتاب اللى كان اتباع منه خمسة ألاف نسخة...بشطارتنا أصبحت مبيعاته..خمسة مليون نسخة...عمرك شفت شعوب متخلفة بتدى أعدائها دعاية مجانية!..
عاوز تشوف شتيمة الرسول..أنا هاسمعك..فى القرآن...أيوه.. هتنح ليه...فى القران...تسمع شتيمة الرسول أكثر من مرة...القرآن سجل شتيمة الرسول فى آيات كثيرة..عشان يقول للمتخلفين أمثالنا..ميهمكمش لما يسبوا الرسول..دا شئ متوقع من الكفار...حصل وهيحصل وهيفضل يحصل طول مافيه حق وباطل..طب ما إحنا بنتعبد بقراية الآية اللى فيها وصف الكفار الرسول بإنه شاعر: أم يقولون شاعر نتربص به ريب المنون ، قل تربصوا فإني معكم من المتربصين.
وكمان قالوا مجنون: ويقولون أئنا لتاركوا ءالهتنا لشاعر مجنون
وكمان قالوا هو : وَمِنْهُمُ الَّذِينَ يُؤْذُونَ النَّبِيَّ وَيِقُولُونَ هُوَ أُذُنٌ قُلْ أُذُنُ خَيْرٍ لَّكُمْ يُؤْمِنُ بِاللّهِ وَيُؤْمِنُ لِلْمُؤْمِنِينَ وَرَحْمَةٌ لِّلَّذِينَ آمَنُواْ مِنكُمْ وَالَّذِينَ يُؤْذُونَ رَسُولَ اللّهِ لَهُمْ عَذَابٌ أَلِيمٌ
أكمل.لأ أسيبك أنت تسأل الشيخ حلاوة بتاع الجامع بتاعك ..لو أى حد ختم القران من الجلده للجلده هيعرف إن عشرات الآيات تسجل شتيمة الرسول.
عشرات الأمثلة والصفات موجودة فى القرآن وبنقراها كل يوم أطلقها الكفار على رسول الرحمة
طب لما القرآن سجل الكلام وموجود فى كتبنا ..ليه بتقوم قيامة الدنيا لما واحد تافه عمل ما أشار إليه القران..
المشكلة إن احنا أمة عاطفية ولا نفكر قبل أن نتحرك...يمكن مابنفكرش أساساً..دا اللى عنده مشكلة نفسية فى مصر بيقولوا عند فكر وكأن التفكير ده مرض نفسى..ياعم خلى البساط أحمدى وطالما الحكومة عاوزاناه نتظاهر ضد الدنمارك يالا بينا أهو ننفس عن نفسنا..وناخد ثواب الجهاد التظاهرى!

أنا نفسى شوفت استهزاء بالنبى فى برامج أمريكية كتيرة وعدت ومحدش خد باله منها...إنما لو كان الشيخ حلاوة خلص ماما نونة بدرى وشاف برنامج من البرامج دى كانت الدنيا اتقلبت ومقعدتش تانى..
وعلى سبيل المثال لا الحصر: على قناة أتش بى أوه: بيل ماهر كان وراه بانر مرسوم عليه الرسول صلى الله عليه وسلم لابس شورت وبيلعب ملاكمة مع المسيح..
وفى قناة الكوميدى سنترال: مانسيا قدم الرسل فى خناقة وكان منهم واحد بمثل الرسول..
عمرك سمعت عن أى واحدة من دول..طبعاً لأ..لأن شيخ حلاوة أمريكا كان لسه مخلصش ماما نونا نظراً لفرق التوقيت ...لإن أحسن حاجة تعملها لما الكلب يعوى...إنك تسيبه والقافلة تسير...إنما احنا فرملنا القافلة فى وسط الصحرا وقلنا لازم نتظاهر ونسمع كل القوافل إن الكلب ده عوى علينا!!
والرسول صلى الله عليه وسلم كان بيسمع شتيمته ومايردش لأن الرسول العظيم أعلى من إنه ينتصر لنفسة رب محمد هيرد على أعداء محمد بالقرآن..الرسول عمره ماحارب لإسمه ولا لسمعته حتى لما أتهموه فى شرفه فى حادثة الإفك...الرسول حارب عشان الأمة...عشان يحرر العبيد ...العبيد بأجسادهم..والعبيد بأفكارهم..
لو كنا هنتظاهر ونجعر يبقى أولى إن احنا نشوف خيبتنا الكبيرة..دا إحنا أمة عالة على كل الأمم..بنصنع لبان ومصاصات...وبنزرع كانتلوب بدل القمح..أحنا أمة عالة على العالم وحتى مشاكلنا الإجتماعية والسياسية مش لقيين لها حل...إحنا الأمة اللى الجمهوريات بتحول لملكيات..والفساد منتشر من الغفير لغاية الوزير...
إحنا أمة طوابير العيش و جلالة الملك وسمو الأمير..إحنا أمة الحدود والكفيل وتصاريح السفر..إحنا أمة أمن الدولة و المخابرات و أمن الرئاسة..أحنا أمة الوسايط والمحسوبيات ويا بخت من كان الوزير خاله...إحنا أمة عدم إحترام الوقت وصفر المونديال..إحنا أمة الفشل..والهزيمة النفسية والعسكرية..معلهش خلينى أقلب المواجع عشان نصحى من أفيون الشعوب اللى احنا بنتاعاطاه من صغيرنا لكبيرنا..
إحنا اللى بنسب الرسول لأن الرسول لو بعث تانى دلوقتى هيقولنا سحقا سحقاً...لا تملكون حتى قوت يومنا..ودولكم مصنفة من أفشل البلدان إدارياً فى العالم...وأراضيكم محتلة...وحكامك عملاء وخونة...ونصنكم جهلة ما بيعرفوش يفكوا الخط...
هو فيه إهانة للرسول أكتر من أننا ننسب الرسول لينا واحنا أفشل ناس فى العالم.
صلى الله عليك وسلم يارسول الله ...واعذرنى إنى بقول عن نفسى إنى من أتباعك! !

الحلم العربى يتحقق بجواز سفر أمريكى

الحلم العربى يتحقق بجواز سفر أمريكى

طلب منى الشغل إنى أحضر مؤتمر فى كاليفورنيا...قلت وماله...أهى فرصة الواحد يشوف أماكن وناس وجديدة...مرضتش اركب طيارة..ضربت فى دماغى فكرة مجنونة...قلت أما أجرب رحلة برية...من نيويورك لكاليفورنيا. ركبت الناقة وشرخت...بلاد تشيلنى وبلاد تحطنى...3 أيام على الطريق...سايق عربية متأجرة وهسلمها هناك وهأرجع بالطيارة...المسافة كانت ألفين وثمانمية ميل..يعنى أربعة آلاف وخمسمائة كيلو متر...يعنى نفس المسافة لو سقت من المغرب لغاية بغداد...

نفس المسافة لو ركبت عربية من المغرب وعديت على الجزائر وليبيا ومصر وفلسطين ولبنان والأردن وسرية وتوصل لبغداد..

نفس المسافة اللى تقطع فيها معظم الدول العربية سقتها هنا...ولاية تشيلنى وولاية تحطنى...ما بقفش إلا إنى أمون بنزين أو آكل أو فندق عشان أنام...ثلاثة أيام بلياليهم بالشكل ده...محدش وقفنى وقاللى (رخصك يا ولا) ولا حدود قالت لى فين جوازك ولا داخل الولاية دى تعمل إيه..

كل المسافة دى و النظام نفس النظام والعملة نفس العملة والتليفون على نفس الشبكة و الناس نفس الناس....

تخيل للحظة إنك تطلع الرحلة دى...تتعشى فى الجزائر وتفطر فى ليبيا و تتعشى فى مصر..وتعدى على كل البلاد دى...وقف التخيل ..لأنه مستحيل...لأنك هتلتطع على الحدود بالأيام على بوابة كل بلد لغاية ما يسألوا عنك ويتفضلوا عليك ويدوك فيزا...الحلم العربى بإنك تلف كل الدول العربية حلم مستحيل...خلوه مستحيل بمعاهدة سايكس بيكو واللى طار فيها واحد خنزير انجليزى بطيارة فوق دولتنا الواحدة ورسم الخنزير حدود خدناها إحنا كأنها قرآن لا يمكن تغييرة...

ليه فيه حدود بين مصر والسودان وإيه سوريا وإيه لبنان مش دى بلاد الشام وإيه ليبيا وإيه الجزائر...وإيه الحدود اللى عمله زى التشوهات فى جسم واحده كانت فى يوم بنت عفية وجميلة...

لى واحد زميلى دكتور فلسطينى...عيلته هاجرت الأردن واتعلم طب فى سوريا...يعنى كان لازم يتعامل مع أوسخ تلات حدود فى المنطقة: وكل كان كل مرة يزورأهله فى الأردن فى أجازة الكلية...كان الأمن الأردنى يستضيفه ليلة ولا ليلتين قبل ما يسمح له بالدخول...حكالى مرة إن ظابط كان بيحقق معاه ويطمن انه محصلوش غسيل مخ فى سوريا ولا آمن بشعار(أمة واحدة ذات رسالة خالدة) وسأله الظابط أوعى تكون من بتوع الوحدة العربية اللى بيقولوا هييجى يوم تفطر فى فلسطين و تتغدى فى الأردن وتتعشى فى مصر... إنت عارف إن ده مستحيل...فرد عليه زميلى الدكتور: ده ممكن جدا لو معاك جواز سفر أمريكانى!...

لو أنت أمريكانى الحدود تتفتح ادامك من غير فيزا...ولو انت عربى محتاج كفيل!!!

أيه اللى جمع الشامى على المغربى فى أمريكا وخلاهم يتحدوا...بيض على سود على عرب على هنود على مكسيكان...ديانات مختلفة وجنسيات مختلفة وبلد واحدة...

واحنا جنس واحد ودين واحد و بلاد مختلفة!

أنا مش ناصرى ولا بعثى و باكره سنسفيل جمال عبد الناصر..بس اللى خلى أوروبا تتوحد وأمريكا تتوحد ...هو يعنى احنا اللى شاخخ علينا الكلب؟

سنة سادسة غربة

سنة سادسة غربة

بقالي ست سنين بعيد عن مصر!..ست سنين مشفتش فيهم محل فول وطعمية ولا عديت على طابور عيش...ست سنين مشفتش حد (مدلدل) السبت وبينادى على بياع راكب حمار يديله كيلوبامية..مشفتش غسيل منشور على حبال البلكونات ولا أتوبسات حمره...ست سنين مشفتش شباب بيشيشوا وبيلعبوا (استميشن) على قهوة.مشفتش عيال مزوغة من المدرسة عشان يعاكسوا بنات دبلوم التجارة على الناصية..ست سنين مشفتش فيها القناة الأولى وتليفزيون صفوت الغير شريف...ست سنين ما وقفش بيا التاكسى ساعتين فى الشارع عشان فى مظاهرة فى جامعة عين شمس...ست سنين مفيش ظابط وقفنى فى لجنة وقالى رخصك .ست سنين متسرقس فيهم (الكوتشى) بتاعى وأنا بصلى فى عمرو بن العاص ورا محمد جبريل عشان أروح فى مترو الأنفاق لابش شبشب زنوبة...

ست سنين مسمعتش خناقة الآذان بين العشر (زوايا) اللى حوالين بيتى و لا (جعير) مكروفونات بياعين بطاطين المحلة على عربيات النص نقل...ست سنين مسمعتش صوت البياعين وهما بيدلوعوا الخضار (مجنونة يا قوطة وياعنب المزارع يا متغذى)!

ست سنين مقرتش أهرام الجمعة ولا جرايد الحكومة...ست سنين عدوا كأنهم ست ساعات...

كل مرة أفكر انزل أزور مصر ألاقى مليون شغلانه وشغلانه وأقول لنفسى ..خلاص إن شاء الله السنة الجاية..وكأن فى حاجة فى عقلى الباطن بتسوف وتسوف...

الحاجات اللى كانت خنقانى فى مصر هى نفسها الحاجات اللى وحشانى دلوقت..الحاجات اللى خلتنى أعد الأيام عشان أهج من البلد هى نفسها الحاجات اللى بفتكرها دلوقت واضحك..اضحك بجد..اضحك ضحكة (عميقة) من جوه..ضحكة متضحكتهاش من ست سنين....مش عارف هل لإنى كبرت ولا لإنى اتطحنت فى أمريكا وعرفت إن فى حاجات فى الدنيا أهم من الشوارع النضيفة والحياة المتزوقة..

الحياة فى أمريكا زى المانيكان اللى فى البترينة..حلوة ومتزوقه بس ما فيهاش روح...أكلة جميلة من غير ملح...جنة من غير ناس...

يمكن لما أنزل مصر آخد (جرعة منشطة) ترجعنى (ميدو) بتاع زمان اللى كان نفسه يهج على أول طيارة...

Even lions! حب الأسود

A lion receives a visit from his rescuer in a South American zoo..and see how (he) greets him!


_______________________________________________________
_______________________________________________________
and on the other side of the world:
these two men bought this baby lion and they took care of him and loved him and when he grew up they decided to take him back to africa. after one year they went to visit him in Africa. take a look at how the lion met them

هذان الشابان إشتريا هذا الشبل من حديقة حيوان لندن فور ولادته أحباه كثيرا وأعتنيا به حتى كبر وبات الإحتفاظ بأسد أمرا مستحيلا في منزلهم الصغير بوسط المدينه فقررا إرساله إلى افريقيا حيث تم إطلاقه في موطنه الأصلي هناك .. وبعد عام كامل قررا السفر لافريقيا لرؤيته .. وهنا كان تصوير لقائهما مع الأسد

شاهد

ces deux hommes ont acheté ce lion de bébé et ils ont pris soin de lui et l'ont aimé et quand il a grandi ils ont décidé de le ramener à l'Afrique. après un an ils sont allés lui rendre visite en Afrique. jetez un coup d'oeil à la houe que le lion les a rencontrés

إيه الفرق بين مظاهرات مصر ومظاهرات لبنان؟

Now you know why young guys in Lebanon are so willing to demonstrate!

A picture from Gaza...

This photo is not a screen shot from an epic movie..It is real!

Farida Abdullah, 57 year old Palestinian mom who lost her entire family during Israeli attacks on Gaza, trying to save her farm from being destroyed by the Israeli army bulldozers. Israel claims that some Palestinian farms have been used by HAMAS to launch rockets attacking Israel.

كلام هيودينى فى داهية

كلام هيودينى فى داهية!

ممكن يكون اللي بيحصل الأيام دى مقدمة لثورة تصحيح إسلامى شاملة..هل ممكن بعد عشر سنوات من الآن نشوف إسلام تانى مختلف عن الإسلام اللى احنا اتربينا عليه من خطب الجمعة والشرائط الكاسيت وكتب عذاب القبر ونعيمه!.ـ..
الحقائق كلها بتؤكد ده...وثورة التكنولوجيا ..وأحداث 11 سبتمبر غيرت العالم سواء رضينا أو رفضنا...الضوء اتسلط على أفكارنا ومعتقداتنا وبعد ما عدينا مرحلة المراهقة الفكرية (أحنا ميه ميه ومش محتاجين تغيير) وصل بعض المفكريين الإسلاميين لنقطة مهمة جداً ومؤثرة فى مستقبل الفكر الإسلامى وهى : (لأ احنا فعلاً عندنا مشاكل كتيرة ونقط مش متزبطة فى فهمنا وممارستنا للإسلام) والمشكلة دى مش فى القرآن ولا فى السنة...المشكلة دى فى أفكار أجيال من علماء وناس من أزمان بعيدة وأفكارقبلية فسروا القرآن والأحاديث بطريقة تتناسب مع حياتهم القبلية والإجتماعية فى زمانهم..
ونرجع نقول إن الإسلام رسالة عالمية غير مرتبطة بزمان ولا مكان...طب إزاى ينفع نطبق فتاوى شيخ عاش فى اليمن من ألف سنة على مسلمين عايشين فى سويسرا سنة 2050...طبعا مش ممكن..والنتيجة تكون إن الإسلام ينحسر فى زاوية فى مسجد أو فى كتاب مهجور لا يمكن تطبيقه فى الحياة اللى احنا عايشنها...
المهم إن كان فى مجموعة أحاديث بتبشر بنزول (المهدى المنتظر) وآه من المهدى المنتظر...اعتقد ان المهدى المنتظر ده هو قمة الدراما الإسلامية اللى لو اتعملت فيلم هيكسب الأوسكار فهو قصة واحد من عامة الشعب منغمس فى الشهوات والملذات وفى يوم وليلة ليلة جميلة ربنا يهديه و يتحول لقائد مغوار يقود الأمة للنصر على اليهود ويعيد السلام والخير والعدل للأرض...يا سلام!!!! يعنى المسلمين يفضلوا مرمطون العالم ويصبروا لغاية ما المهدى المنتظر يبطل عربدة ويقرر إنه يبطل سجاير ويكون انسان جديد... والفكر ده على فكرة موجود فى كل الأديان ...فكرة المخلص ونصف بشر نصف إله ربع معزة الذى يأتى إلى الأرض ليحقق على أرض الواقع ما فعله أميتاب باتشان فى الأفلام الهندية!!...ـ
يمكن كلامى يكون صادم لكن أنا فضلت كاتم فى صدرى لغاية ما اتكلم علماء بجد مش حشاشين زى أمثالى...الأستاذ الدكتور طه جابر العلوانى..العالم الذى لا يلتفت إليه أحد وهو فى رأيي واحد من أعلم أهل الأرض بالإسلام فى وقتنا هذا ...قال فى حوار تاريخى..ليس هناك مهدى منتظر ولن يعود المسيح لأنه ببساطة يتنافى مع مبدأ ختم النبوة...الله الله عليك يا دكتورنا والله لو الفضائيات يدوك ربع اهتمام عمرو خالد لكان حالنا اتغير..لكن معلهش...التغيير مش بالساهل...مش بالساهل تغيير حاجات أصبحت فى فكر الناس زى العقيدة فى يوم وليلة حتى لو كانت ليلة جميلة!ـ
مش كده وبس..العلامة القرضاوى فجر قنبلة بمقال تعدد الأديان واللى قال فيه أنه يجب احترام عقائد الآخرين لأنه لو شاء الله لجعل الناس كلهم مسلمين...الله عليك يا شيخ وربنا يطول فى عمرك..
وأخيرا..تركيا مش عاجبها الكلام برضه...تركيا لقت فيه صحوة إسلامية وجيل أتاتورك بيودع الساحة لجيل الصحوة الإسلاميه...ققررت وزارة الشئون الدينية هناك إنها تراجع الأحاديث وتقيسها على القرآن واللى مش هيتوافق مش هيعترف بيه...محاولة جميلة لكن ياريت ياخدوا معاهم علماء عرب لأن رغماً عن الترك والعجم بشهادة التاريخ أن نصر الإسلام لا يأتى إلا (للأسف) من داخل العرب وبالأخص (للأسف) برضة من جيش وعقول مصرية مطعمة بخبرات من بقية الدول الإسلامية...
وللحديث بقية إذا لم يقم علي الحد
Medotv.blogspot.com

___

ماذا يمكن أن تشترى بـ 20 ألف جنيه مصرى؟

من خلال تصفحى لإعلانات مصرية وإعلانات أمريكية عن سيارات للبيع وحددت مبلغ عشرون ألف جنيه مصرى لشراء سيارة وجدت أن عندى خيار من كوستين:

الأول شراء عربية فيات 128 موديل 83 ركبها أجيال ورا أجيال من قبلى ورشه دواخل استعمل طبيب وممرضة...أو

بنفس المبلغ يمكننى شراء مرسيديس بنز موديل 86 وصرتها الحقيقية هنا والبياع موافق أن يهز المبلغ شويتين

فيلم زكى شان

Missing the last 5 minutes فيلم مطب صناعى...ترويق على مستوى عالى

لو ما بتفهمش عنجليزي...كبر دماغك من الفيديو ده

الإحتلال المصري للكويت بعد مباراة القمة...هو فيه كام مصرى هناك؟

فى القاهرة بعد المباراة: هتافات للاعب محمد عبدالوهاب رحمه الله

شاهد الشوط الثاني من المباراة

2-87-78 - Get Video Code

شاهد الشوط الأول من المباراة

1-70-18 - Get Video Code

مبروك لمصر

- Watch more funny videos here

مبارك...فتى الشاشة الأول

تناقلت مواقع المدونين فيديو قصير يظهر فيه مبارك فى فيلم سينمائي عرض على قناة روتانا بطولة كمال الشناوي وشادية...لأ لأ حسن حسنى ما كانش لسه من مقررات السينما المصرية...المهم يظهر عمك مبارك كمدرب للطيارين قبل عملية ضد العدو ...ويلا بينا نشوف الفيلم

Mubarak as an actor!!

أهداف مصر فى ساحل العاج Egypt VS Cote De Voir